استغراب ممن يرى أن خطة الوزير شوقي للتعليم هي خطة جيدة

هاني الحسيني*

من أكتر الحاجات اللي مستغربلها هي إن فيه ناس – بني آدمين محترمين وعموماً بيفهموا – شايفين إن "خطة" د. طارق شوقي للتعليم خطة جيدة.
أوجه الاستغراب:
1- محتمل يكون بعض جوانب ما يقوله د. طارق شوقي تبدو جيدة، لكن مش طول عمرنا المسئولين بيقولولنا حاجات شكلها جميل وعند تطبيقها لا نرى إلا فساد وتهريج؟
2- هل يمكن أخذ خطة لتطوير التعليم بجدية وهي لم تناقش في مؤتمرات وندوات معلنة؟ وبدون الاستناد لأي دراسة علمية موثقة؟
3- كنت أتصور أن تصريح الوزير بخصوص أن من سيتظاهر من أولياء الأمور ضد النظام الجديد هيدخل السجن يكفي لكشف أي أوهام بأنه مصلح، لكنه استمر في نفس التوجه بالرد على كل الانتقادات بأنها مؤامرة أو جهل أو ناس أصحاب مصالح، ولم أجد لديه رد واحد موضوعي.
4- فعلاً مش فاهم الناس اللي بيشوفوا حاجات إيجابية ممكن تيجي من شخص يرفض زيارة المدارس التي تتبع وزارته.
5- د. طارق شوقي تاريخه كله لا يؤهله لأن يقود تغيير شامل في التعليم، لا عنده خبرة في نظم التعليم ولا عرف عنه قبل ما السيسي يجيبه إنه عنده رؤية ما خاصة بالتعليم، ده غير طبعاً إننا لو نبشنا في تاريخه الوظيفي هنلاقي إنه منتفع عادي من بتوع شيلني وأشيلك.
….
أنا عارف إن الناس بتحاول تتمسك بأي خيط من الأمل وسط الظلام الدامس، بس لازم نفرق بين الفانوس وبين الحريقة.